 |
Gaurko euskal dantza eta azken 60 urteetako bilakaera ezin daitezke ulertu Argia gabe. Argiak, Marian Arregiren eta Juan Antonio Urbeltzen gidaritzapean, 60ko hamarkadatik hona egindako lanak dantzaren geografia zabaldu du.
Herriz herri egindako landa-lanak 36ko gerraren eta errepresioaren eraginez betirako galtzear zeuden hainbat dantza, doinu eta janzkera ahanzturatik erreskatatu zituen. Dantzak, mugimenduan dauden sinbolo gisa ulertuta, ikerketa lan horren ardatza izan ziren. Hori guztia San Telmo Museoaren babesean sortu zen, elkarlanean, taldeari egoitza eta ikerketarako museoko materialak eskainiz. San Telmora 60 eta 70eko hamarkadetako euskal kulturaren biziberritzearen sustatzaileak gerturatzen ziren eta Argiaren entseguak ideia berrien laborategi bilakatu ziren. Laborategi hark euskal dantza eraldatu eta biziberritu zuen. Erakusketa hau da iraultza horren kronika.
Laborategia aretoan
