41. Donostiako Liburu Zahar eta Okasiozkoen Azokak Euskal Herriko eta Estatuko 40 bat postu izango ditu.

Bertan aintzinako eta okasiozkotzat jotzen diren liburuak egongo dira salgai. Lehen multzoan, 100 urte baino gehiagoko lanak daude edo berriagoak baina arraroak edo eskuratzen zailak. Okasiozkoen liburuei dagokienez, argitaletxeak jada katalogotik kanpo daudenak dira, eta jatorrian izan zutena baino askoz ere prezio baxuagoan saltzen dira.

Eguraldi edo bestelako zirkunstantzien arabera, antolatzaileek alda dezakete iragarritako ordutegia.