Aurtengo edizioan, guztira 40 taldek eman dute izena, eta horietatik 30ek gainditu dute eskatzen zen kalitate maila, lehiaketaren maila altua agerian utziz. Hautatutako taldeen artean estilo aniztasuna da nagusi: rockaren aldaera ezberdinak (hard, punk, stoner), metala, popa eta funka uztartzen dituzten proposamenak izango dira entzungai.

Hizkuntzari dagokionez ere, aniztasuna nabarmena da, baina euskararen presentzia bereziki azpimarratzekoa da. Parte hartzen duten talde askok euskaraz sortzen dute, nahiz eta gaztelaniaz, hizkuntza konbinazioetan edo modu instrumentalean aritzen diren proiektuak ere egon.

10 kontzertu Durango osoan

Lehiaketa 2026ko maiatzetik uztailera bitartean egingo da, guztira 10 zuzeneko kontzerturen bidez. Emanaldi bakoitzean hiru taldek parte hartuko dute, eta Durangoko hainbat auzo eta espaziotan egingo dira, musika hiriko txoko guztietara hurbiltzeko helburuarekin.

Kontzertuen egutegia

2026ko maiatzaren 2a (19:00–22:00) – Herria
Julen Burgos · Iker Gomez · Deriba

2026ko maiatzaren 16a (11:30–14:30) – Koba Live
Alex de Benito Project · Shut You On · Etorkizun beltza

2026ko ekainaren 13a (21:00–24:00) – Murueta Torre
Ur · Leven Slave · Blackmoon

2026ko ekainaren 20a (21:00–24:00) – Otamotzena
Golden Belni · I See Explosions · Sweet Rage

2026ko ekainaren 27a (15:30–18:30) – Munduko Arrozak
Folk Rippers · Momak · Territorio Norte

2026ko ekainaren 28a (12:00–15:00) – Tabira
The Soulbar Taldea · Dale Kaligula · Lorraine

2026ko uztailaren 3a (21:00–23:00) – Plateruena terraza
El Callejón del Gato · Painapple · Scusi Boys

2026ko uztailaren 10a (20:00–23:00) – Plateruena terraza
Bixonte Dort · Deborah Riff · El Barbas

2026ko uztailaren 17a (20:00–23:00) – Plateruena terraza
Eraldatzen · Dorre · Patxi Luque

2026ko uztailaren 24a (17:30–20:30) – Plateruena terraza
Soporte Vital Básico · República · Alerta Petrov

Finala eta sariak

Lehiaketaren final handia irailean egitea aurreikusten da, Goienkaleko jaien testuinguruan. Sariak musikariei benetako jauzi profesionala emateko diseinatuta daude, eta honakoak dira nagusiak:

Lehen saria: 10 abestiko LP baten grabazioa

Bigarren saria: 5 abestiko EP baten grabazioa

Durangaldeko talde onena: San Faustoetan kontzertua, 600 € eta single bat

Izar Records saria: single eta bideoklip baten grabazioa

Txirula saria: musikarientzako material sorta

Tokiko musikaren erakusleiho

Lehiaketa honen bidez, Durangok berriro ere berresten du zuzeneko musikaren, tokiko talentuaren eta kulturaren aldeko apustua. Ekimenak musikariei ikusgarritasuna eta garatzeko aukera eskaintzen die, eta aldi berean herritarrei kalitatezko kultur eskaintza hurbiltzen die.

Durango, beste behin, musikaren topagune bihurtuko da uda honetan.