Vlad Cāmpean eta Vasco Dantasen kontzertua VI. Batura Zikloaren barruan.
Nazioartean sarituak diren Vlad Cāmpean biolontxelo-jotzailea eta Vasco Dantas pianista adierazkortasunez beteriko errezitaldi berezi batean elkartuko dira. Interpretazio bikainek bizia emango diote Schuberten Arpeggione sonatari, Aita Donostiaren lieder-ari, Poulenc-en melodiei eta Freitas Brancoren Sonata indartsuari. Lirismoz, birtuosismoz eta emozioz betetako gaua, Aita Donostiari omenaldi berezia egiteko, haren jaiotzaren 140. urteurrena eta heriotzaren 70. urteurrena oroituko dituen zikloaren baitan.
