Donostia Kulturako Teatro Avanzado ikastaroko ikasleek Vega Iguaránen gidaritzapean ikasitakoa erakutsiko dute Ven a utopia lanaren bidez. Horrela azaltzen du taldeak ikuskizuna:"Casto eta Herminia abentura bat prestatzen dabiltza, egungo errealitatetik urrun eramango dituen bidaia bat. Pertsona talde bitxi bat, haiek bezain nekatu eta desilusionatuak, izango dute bidelagun. Denek amesten dute mundu ideala, justua, atsegina, baketsua eta harmoniatsua. Maitasuna duen mundu bat, non haien bizitzek zentzua izango duten. Amets egiten dute. Agian ezinezko da amets hori lortzea, baina zer izango litzateke gizakia ametsik gabe?"